წელი წელია, მაგრამ ცამეტი
არც ისე იოლი დასაძლევია.
შენ განაცვალე ეს წლები ჩემი
ცხოვრება ჩემი დამილევია.

შენ ხარ ოცნება მიუწვდომელი
და ჩემი გულის ფარული ბოღმა.
შენ ხარ ცდუნება დაუძლეველი,
რომელიც არსად ამირევია.

სულ დაგატარებ ჩემს გულთან ახლოს,
მეტი ამ ქვეყნად რა დამრჩენია.
შენი ცრემლები, წვიმის წვეთები
ჩემს გულში ასე რომ ჩამრჩენია.

შენ ხარ ის მიწა, რომელიც ალბათ
მე არ მეღირსა დასამარხავად.
შენ ხარ მწვერვალი, რომელიც ალბათ
მე არ მეღირსა დასანახავად.

……………………………………………….

მინდა დავხატო ლამაზი ფერი
შენს გულს რომ ასე ჩაეხუტება.
სიტყვა წიაღში დაბადებული,
შენს ბაგეს ასე რომ ეფერება.

მინდა გაჩუქო წუთის სოფელი,
ფერადი დღე და ეს ბნელი ღამე.
შენი ღიმილი, ლამაზი სახე,
მადლის მოსხმაა ამ ქვეყანაზე.

ჩამოწევ ფარდას დაგეძინება,
დარდიან ღამეს სიზმრად ვიქცევი
ვითარცა ნისლი მდელოს ჩამოწვა
ისე, და თბილად ჩაგეხუტები.

მინდა გაჩუქო ეს ჩემი გული,
წაიღე, შენთვის არ მემეტება.
მინდა აგიხსნა, რომ სიყვარული
მხოლოდ შენია, გაგეცინება.

საათი ისრებს გადაწევს ნელა,
წამები ქრება და ისევ ბნელა.
უნდა გავიქცე, შენც გეძინება.
სიზმარში მოვალ, გაგეღიმება.

………………………………………….

თეთრი ღრუბელი მიფრინავს ცაზე,
ღამე აპირებს მეფობას მთაზე.
გულს სევდიანი ნისლების კვალზე,
სევდა დაედო ცრემლივით თვალზე.

ხმა სევდიანი პარასკევ ღამეს,
ღრუბლებს მიჰყვება მშობლიურ მხარეს.
ამ ქვეყნდა ყველა ბრუნდება სახლში
მხოლოდ მე ვრჩები სხვა ქვეყნის მხარეს.

ნეტავ ღრუბლებად მაქცია ცაში,
რომ ჩამოვწვიმდე მთებში და ბარში.
ნეტავ ლექსად მაქცია ფიქრების ზღვაში,
მუზას რომ გავყვე საკუთარ სახლში.

სევდა მომოწვა ნისლივით თვალზე,
ვარსკლავმა კვალი დატოვა ცაზე.
ნატვრას ვეცადე, ვერ მოვასწარი.
ნატვრის ხეც გახმა სხვა ქვეანაში.

……………………………………………….

საფლავის ქვებზე ცრემლები ცვივა
დამისხით ღვინო, დღეს გული მტკივა.
ვიხსენებ ყველას, არ დამავიწყდეს.
და არ გამორჩეს ამ ქვეყნდა ვინმე.

თმებში ჭაღარა შემომეპარა,
მუხლებში ძალა ზოგჯერ მელევა.
თვალი არ მიჭრის, გონება ძველი,
ურმის ფასია ცხოვრება ჩემი.
საფლავის ქვაზე ფოთლები ცვივა,
სადღედგრძელო ვთქვა დამისხით ღვინო.

საქართველოს პრეზიდენტს მიხეილ სააკაშვილს
საქართველოს პარლამენტს
ქალაქის მერს გიგი უგულავას
ადამიანის უფლებების დამცველ ორგანიზაციებს და მედია საშუალებებს

მიმართვა

ჩვენ, საქართველოს სახალხო საინიციატივო ჯგუფი, ვაპროტესტებთ 13 აგვისტოს 700-მდე ოჯახის ისნის ჰოსპიტალიდან იძულებით გამოსახლებას. მოვითხოვთ, რომ ყველა გამოსახლებული ლტოლვილი დაკმაყოფილებულ იქნას საცხოვრებელი ფართით იმ რეგიონებში, სადაც ბოლო წლების განმავლობაში ცხოვრობდნენ.
საქართველოს ხელისუფლება ვალდებულია ღირსეულად მოექცეს საქართველოს იმ მოქალაქეებს, რომლებიც უსახლკაროდ დარჩნენ აფხაზეთსა და სამაჩაბლოში რუსეთის მიერ განხორციელებული აგრესიის შედეგად.
ქალაქის მერს გიგი უგულავას კი მოვუწოდებთ შეასრულოს არჩევნებამდე ხალხისთვის მიცემული დაპირება.
საქართველოს სახალხო საინიციატივო ჯგუფი უერთდება ლტოლვილთა საპროტესტო აქციას და თავიანთი ხელმოწერით მხარდაჭერას უცხადებს მათ.

თეზისი: “საქართველოს ტერიტორიული მთლიანობის დეიურე სტატუსის შენარჩუნება და ურთიერთობების აღდგენა კონფლიქტში მონაწილე მხარეებს შორის”
საქართველოში ტერიტორიული პრობლემების გადაწყვეტა, შექმნილი მდგომარეობიდან გამომდინარე, უნდა განხორციელდეს ეტაპობრივად

მიახლოებით 15 – 20 წლის სამოქმედო გეგმით.
ამ გეგმის განხორციელებისათვის გასათვალისწინებელია საქართველოს საერთაშორისო მდგომარეობა, განსაკუთრებით რუსეთის ფაქტორი და აქედან გამომდინარე უნდა მიღებულ იქნას ოფიციალური გადაწყვეტილებები:

ა). უარი უნდა ითქვას საქართველოს რომელიმე სამხედრო სტრუქტურაში გაწევრიანების თაობაზე;
ბ). მიღებულ უნდა იქნას ოფიციალური დოკუმენტი სამხედრო ძალის არგამოყენების თაობაზე;
გ). რუსეთ–საქართველოს ურთიერთობების აღდგენის აუცილებლობის პრიორიტეტი;
დ). საქართველოს ტერიტორიული მთლიანობის დეიურე სტატუსის შენარჩუნება;
ე.) საქართველოს მოქალაქეებისათვის ევროპაში მიმოსვლის გამარტივებული რეჟიმის მიღწევა;
ვ). კანონის მიღება ორმაგი მოქალაქეობის თაობაზე.

ტერიტორიული პრობლემების გადაწყვეტის პროცესი უნდა გაიყოს 5 ეტაპად:

1. მოსამზადებელი ეტეპი (2-3 წელი):
ა). რუსეთთან ურთიერთობის აღდგენა;
ბ). აფხაზეთისა და სამხრეთ ოსეთის ხელისუფლებასთან ურთიერთობის აღდგენა;
გ). საერთაშორისო ორგანიზაციების შუამდგომლობა;
დ). აფხაზეთისა და სამხრეთ ოსეთის ტერიტორიული მოწყობის თაობაზე მორატორიუმის მიღება;
ე). აფხაზეთისა და სამხრეთ ოსეთის რეგიონებში თავისუფალი მიმოსვლის აღდგენა;
ყ). აფხაზეთისა და სამხრეთ ოსეთის რეგიონების მოსახლეობისათვის საქართველოს ტერიტორიაზე
   მუშაობის უფლება განურჩევლივ მოქალაქეობისა.

2. ეკონომიკური ზეგავლენა დარეგულირების პროცესზე (8 –10 წელი).  ამ ეტაპზე ფინანსების დაბანდება უნდა მოხდეს არა თვით რეგიონში, არამედ მოსაზღვრე რეგიონებში ქართლში და სამეგრელოში. განსაკუთრებული ყურადღება გამახვილებული უნდა იქნას ზუგდიდში და გორიში:

ა). თავისუფალი ეკონომიკური და სავაჭრო ზონებს გორისა და ზუგდიდის რაიონში, რომელიც ითვალისწინებს პროდუქციის შესყიდვისა და საბაზრო ურთერთობებისათვის რეგიონების საზღვრებთან სავაჭრო ცენტრბის შექმნა;
ბ). კაპიტალის დაბანდებას და ინვესტორბის მოწვევა გორისა და ზუგდიდის რაიონებში და სამუშაო ადგილების მაქსიმალურად დიდი რაოდენობით შექმნა;
გ). რეგიონებიდან შემოსული მუშების შეღავათიანი სამედიცინო დაზღვევა.

3. ეკონომიური ესპანსია აფხაზეთისა და სამხრეთ ოსეთის რეგიონებში (5 – 6 წელი), რომელიც ითვალისწინებს ქართველი ბიზნესმენების ეკონომიკური მხარდჭერას:

ა). უპროცენტო კრედიტების გაცემა;
ბ.) პროდუქციის რეალიზაციის დახმარება.

4. მესამე ეტაპის განხორციელების შუა პერიოდიდან ერთობლივი ღონისიებების  დფინანსება და ჩატარება აღნიშნულ რეგიონებში (2 წლი მესამე ეტაპიდან + 2 წელი):

ა). რეგიონებში მომუშავე ერთობლივი მედია საშუალებების დაფინანსება;
ბ). კულტურული ღონისიებების დაფინანსება;
გ). ერთობლივი არასამთავრობო ორგანიზაციების დაფინანსება;
დ) ინდივიდუალური მუშაობის დაფინანსება.
 
5. ბოლო ეტაპი, ერთობლივი კონსულტაციები ტერიტორიული მოწყობისა თაობაზე და რეფერენდუმის ჩატარება .